Limena ga dimandà el bilinguismo ała rejon! Basta pochi mesi.

costumanse2013r

(clicca qui per la versione in italiano)

NOTISIA GRANDA PA I VENETI : el comune de Limena (PD) ga dimandà  ała Rejon el rispetto del bilinguismo.

Ła rejon Veneto pol deventar bilingue veneto-italian, come el Sud Tiroło, e poł bastare pochi mesi.

Se ancora no te lo ghe fato, firma pa sostegner l’inisiativa in sta pagina

La dopia łengua xe un dirito dei veneti anca se el Stato Italian no ga riconosesto ła lengua veneta, parché  i veneti xe na minoransa nasionał inte ła Repubblica, e el rispeto de ła so lengua xe impostà da la lexe internasionał “Convension quadro pa ła protesion dełe minoranse nasionałi” ( ratificà da l’Italia co lexe n° 302/1997 ).

El Consejo Comunal de Limena ga deliberà ła richieta de bilinguismo ała rejon el dì 2 disenbre 2013.

El bilinguismo inte łe scołe, inte i posti regionałi, ła dopia łengua inte łe radio, tv, ecc. xe dovesti parché i veneti xe un popoło riconossuo xa dal 1971 co ła lexe costitusionał n.340, e quindi ga diriti speciałi detà da ła “Convension quadro pa ła protesion dełe minoranse nasionałi” sora dita, fata dal Consejo d’Europa  ( STCE n° 157 – version in italian   struca pa vedare).

Venare  6 disenbre 2013 vegnarà spiegà de cosa se trata al pubblico e presentà ła delibera, senpre a Limena, neła sala “Barchessina”, che se trova drio la Barchessa del Comune: XE INPORTANTE CHE TE VEGNI (vedi struca pa le indicasion ).

Xa pì de 400 veneti gà firmà pa’l  Bilinguismo. Se no te lo ghe oncora fato  firma subito strucando qua.

Faghe saver ai to amighi e parenti e vegnì numerosi, ghe xe anca el buffet a maca (gratis).

Te spetemo! (347 1416187)

Share